Skopjo (makedone Skopje, Скопје) estas ĉefurbo de Nord-Makedonio. La areo de la urbo, nomata Granda Skopjo, entute 526 502 homoj., Ĝi estas ekonomia, industria, universitata, sporta kaj kultura centro de la lando.
Forta tertremo detruis la urbon en 1963. Post la tertremo oni konstruis la urbon kiel modernan centron kun vastaj stratoj kaj modernaj konstruaĵoj. En la centro de la urbo restis duondetruita "malnova fervoja stacidomo" sur kies muro pendas horloĝo, kiu montras "haltintan" tempon de la tertremo.
Malnova parto de urbo estas bone konservita kaj oni povas rigardi preskaŭ antaŭ jarcentan vivon en malvastaj stratetoj. Granda bazaro, situanta tie, nomiĝas Bitpazar.
La flughaveno Skopjo nomiĝas Aleksandro la Granda.
Situo
Skopje situas sur ambaŭ bordoj de la rivero Vardar sub la monto Vodno. La urbo estas longa ĉirkaŭ 25 km, sed malvasta.
Klimato estas severa kontinenta, kun varmegaj malsekaj someroj kaj malvarmaj vintoj kun multaj nebulaj tagoj. Meza jara temperaturo estas 12,4 °C.
Loĝantaro
La urbo konsistas el 10 municipoj, kiuj kune enhavas inter 15 kaj 25 % de albanoj laŭ fontoj. Ekzistas grava komunumo de ciganoj, ĉefe en la municipo Šuto Orizari, kie la cigana kaj makedona lingvoj estas samrajtaj oficialaj komunikiloj.
