Skopje

Skopje (mazedonisch Скопје, albanisch Shkupi/Shkup, türkisch Üsküp) isch d Hauptschtadt vu Nordmazedonie und mit öppe 540.000 Yywohner zuglych di gröschti Stadt vum Land. Öppe e Viertel vo de Bevölkerig vu Nordmazedonie läbt i dr Grossstadt. Skopje het e Bsidligsgschicht, wo meh als zwöi Jahrtuusendi alt isch und zellt dorum zu de eltischte no bestehende Städt vum Land.

D Stadt am Vardar isch sowohl Sitz vum Parlamänt als au vu dr Regierig. Si isch äbeso s kulturelle und wirtschaftliche Zäntrum vum Land, orthodoxe Bischofssitz und Sitz vum Grossmufti.

Skopje liit im Norde vo Nordmazedonie, öppe 18 Kilometer südlech vu dr Gränze zum Kosovo. Vu Weschte nach Oschte durfliesst dr Fluss Vardar s Stadtgebiet, im Süde erhebt sich dr Huusbärg Vodno.