ملائیشیا

ملائیشیا ہک کثیر نسلی، کثیر ثقافتی سماج ہے- سب توں پہلے ایں علاقے وچ رہوݨ آلے مقامی قبائل دے لوگ ہن جیہڑے کہ ہݨ وی موجود ہن- چینی تے بھارتی ثقافتی اثرات اتھاں واضح نظر آندن- دیگر ثقافتی اثرات اچ فارسی، عربی، تے برطانوی ثقافتاں شامل ہن- 1971ء وچ حکومت نے ہک "قومی ثقافتی پالیسی" بݨائی جیندے مطابق ملائیشیا دی ثقافت دی بنیاد مقامی ہئی جیندے اچ اسلامی ثقافت دی جھلک نظر آندی ہووے- ملائیشیا ہک وفاقی آئینی اختیاری شہنشاہیت ہے- حکومت دا نظام بریطانوی طرز (ویسٹ منسٹر پارلیمانی نظام) توں قریب تر ہے- یانگ دی پرتوان آگونگ ریاست دا سربراہ جبکہ وزیر اعظم حکومت دا سربراہ ہے۔ ملائشیا دی معیشت تیزی توں ودھدی ہوئی تے نسبتا کھلی ریاستی پالیسی تے مبنی ہے-

2011ء تخمینے دے مطابق جی ڈی پی نمو 5.2 فیصد ہے۔ ملائیشیا کل زمین دے علاقے لحاظ نال 67واں سب توں وݙا ملک ہے- مغرب وچ اوندی زمینی سرحد تھائی لینڈ دے نال ملدی ہے جبکہ انڈونیشیا تے برونائی دارالسلام اوندے مشرق وچ واقع ہن- جنوب وچ براستہ پل سنگاپور توں منسلک ہے - ویتنام دے نال اوندی سمندری حدود ہن۔ ملائیشیا دے ݙو جدا حصے ہن جنہاں دے درميان جنوبی چین سمندر ہے-

ملائیشیا دا آئین مذہب دی آزادی دی ضمانت ݙیندے جبکہ اسلام سرکاری مذہب ہے مردم شماری 2010ء دے اعداد و شمار دے مطابق:

• مسلم 61.3%
• بدھ مت 19.8%
• مسیحی 9.2%
• ہندو مت 6.3%
• کنفیوشیوازم 1.3%
• ملحد 0.7%
• کوئی مذہب نی 1.4%