Sam Altman (Chicago, 22 d'abriu de 1985) qu'ei un enterprenedor, investidor e programaire american. Qu'ei lo CEO d'OpenAI desempuish lo 2019 e l'expresident d'Y Combinator. Altman qu'ei tanben lo cofondator de Loopt (fondat en 2005) e de Worldcoin (fondat en 2020).
Altman qu'ei lo CEO d'OpenAI, ua enterpresa de recèrca tecnologica dont l'objectiu ei de har progressar l'intelligéncia artificiau. L'organizacion qu'ei estada iniciaument finançada per Altman, Brockman, Elon Musk, Jessica Livingston, Peter Thiel, Amazon Web Servicis, Infosys e Y Combinator. En tot, pendent lo lançament de l'enterpresa en 2015, qu'avèva lhevat un miliard de dòlars au près de finançaires extèrnes. Qu'ei estat brèument escartat deu projècte puish reïntegrat en noveme de 2023.
