a Priesta, Augustinamench und Theologieprofessor, wo de protestantische Reformation begrindd hod

Martin Luther

2 min read
In 200 languages
3 images

Da Martin Luther (* 10. Novemba 1483 z Eisleben, Grafschoft Mansfeld; † 18. Feba 1546 emdo) wor a Priesta, Augustinamench und Theologieprofessor, wo de protestantische Reformation begrindd hod.

Wiakn

Da Luther hod im Laff vo da Zeit sein Glaam imma steaka an an Jesus Kristus, am "fleischwordanan Woat vom God" orientiad. Danoch woit a de Fejentwicklunga im Kristndum, de wo s aus seina Sicht gebm hod, iwawindn.

S Wiakn vom Luther hod grosse Auswiakunga af de Kiachn und af de Gsejschoft, wo bis heit nochwiakn. De Dominanz vo da remisch-katholischn Kiach is aa in politischa Hisicht zruckdrengt worn. Da Pobst und da Kaisa hom a Mocht eibiasst. Und es is, gengan Wuin vom Luther, za weidan Kiachnspoitunga und weidan Konfessiona vom Protestantismus kema.

Wichtige Fordarunga vom Luther:

Simoni: Dees is dees, wonn si ana mid vui Gejd a geistlichs Amt dakafft.
Oblosshandl: Dees is, wo ma si vo seine Sindn freikafft.
Dees wiatschoftliche Interess vo da Kiachn.
De Vawejlichung vo dada Kiachn.

Da Luther hod seine 95 Thesn ogschlogn. Dees hod de Grundlog vo da Reformation buidd und do draus is nacha de [evangelische Kiachn entstandn. Ea hod a de Bibel vo Latein ins Deitsche iwasetzt, owa so wia's de Menschn gredt hom, wei a einheitliche Sproch hot's domois nu ned gem. Ma sogt a oft, da Luther hod am Voik aufs Mai gschaut. Wei ea gmant hod, das jeda Mensch frei is, hom de Bauan des missvastandn. Se hom gmant, se warn vo da Leibeignschoft befreit. Da Luther hod owa gmant, dass ma frei im Glaam is. Daraus san a de Bauanafstend enstandn.

In seine letztn Joar is da Luther zuanehmend antisemitisch worn und sogoa valangt, dass jidische Haisln und Synagogn zasteat wean und s Gejd vo de Judn konfisziat wead. Dees hod za oana kontrovers Sichtweisn vom Luther gfiat.

Weak

Vom Luther san an Haffa Schriftn, Predigtn, Briaf und Tischredn iwaliefat.

D. Martin Luthers Werke, Kritische Gesamtausgabe (Weimarer Lutherausgob, okiazt WA), 120 Biacha, 1883–2009 (Sondaedition 2000–2007), ISBN 3-7400-0945-4

Biacha

Hans-Martin Barth: Die Theologie Martin Luthers. Eine kritische Würdigung. Gütersloher Verlagshaus, Gütersloh 2009, ISBN 978-3-579-08045-1.
Christian Feldmann: Martin Luther. Rowohlt Verlag, Reinbek 2009, ISBN 978-3-499-50706-9.
Karen Michels: Martin Luther - Die Lektionen der Straße. Wie die Welt das Denken des Reformators veränderte. CORSO, Hamburg 2010, ISBN 978-3-86260-004-5.

Im Netz

Commons: Martin Luther – Sammlung vo Buidl, Videos und Audiodateien

Gerhard Müller: Luther, Martin. In: Neue Deutsche Biographie (NDB). Band 15. Duncker & Humblot, Berlin 1987, S. 549–561.
Manfred Schulze: Luther, Martin. In: Biographisch-Bibliographisches Kirchenlexikon (BBKL). Band 5, Herzberg 1993, ISBN 3-88309-043-3, Sp. 447–482.
(Seite nicht mehr abrufbar; Suche in Webarchiven) Audioporträt über Martin Luther auf Bayern2Radio – radioWissen] (Seite nicht mehr abrufbar; Suche in Webarchiven)
Martin Luther – Allein aus Glaube Video in 4 Teilen
Martin Luthers Antijudaismus, seine Wirkung und Aufarbeitung im Protestantismus