مارى كورى

مارى كورى مارى كورى اسمها الاصلى قبل الجواز ماريا سكلودوفسكا Maria Salomea Skłodowska ( وارسو ، بولاندا دلوقتى ، 7 نوفمبر 1867 - باسى ، فرنسا ، 4 يوليه 1934 من جامعة السوربون و اول سيدة تحاضر فى السوربون ، و هى السيدة الوحيدة اللى اخدت جايزة نوبل مرتين مرة فى الفيزياء و اخرى فى الكيمياء.

مارى كانت بنت مدرس فى وارسو فى بولاندا اللى كانت وقتها جزء من الامبراطوريه الروسيه و اظهرت نبوغها و هى مازالت صغيره ، ودخلت عمل لكى تساعد اسرتها ، لكن بالرغم من تميزها فى الدراسه الجامعه ماقبلتشها بسبب التفرقه الجنسيه و السياسيه ضد البولنديين وقتها فاضطرت انها تكمل تعليمها عن طريق دروس سريه فى وارسو كانت اسمها " الجامعه الطائره ".

حلم مارى كان انها تدرس فى جامعة السوربون فى باريس فذهبت الى باريس و أدّت امتبارات القبول و نجحت و درست هناك و كانت اول سيدة فى تاريخ جامعة السوربون تاخد دبلوم فى الفيزياء و كان ذلك فى سنة 1922م. ابتدت تعمل ابحاثها و تجاربها على معادن فيها عناصر اليورانيوم و الثوريوم فاكتشفت ان فيه معادن تتميز بخواص نشاط الاشعاع اكتر من المتوقع و ده وصل لاكتشاف عنصر كيماوى جديد اتسمى " بولونيوم " ، بعدين اكتشفت عنصر كيماوى ثانى له خواص اشعاعيه كبيره سمى " راديوم ". معروف كمان أن الصحافة الفرنساويه استفزت مارى كورى جدا لما طلعت عليها اشاعة بعلاقة تربطها هيا و تلميذ زوجها اللى كان ممات فى الوقت ده بول لانجيفين لكن بسرعه بطلت الاشاعات دى والعلما اللى كانو على علاقة بمارى وقفوا جنبها بخطابات وكلمات مؤثرة و كان أبرزهم البرت اينشتاين ومن الحقائق المثيرة كمان عن مارى كورى أنها بفضل فكرتها بعلاج المصابين من الجنود بجهاز الأشعة السينية المتنقل فى الحرب العالمية الأولى تمكنت من انقاذ حياة كتير جدا من الجنود فى الحرب