Marie Skłodowska Curie (Varsavie, 7 di Novembar 1867 – Passy, 4 di Lui 1934) e je stade une fisiche e chimiche polache naturalizade francêse, une de scienziadis plui influentis dal XX secul. E je cognossude in dut il mont pai siei studis pionieristics su la radioattivitât (tiermin che e à inventât), e par jessi stade la prime persone a vincji doi premis Nobel in doi camps sientifics diviers.
Biografie
Nassude a Varsavie in un periodi in cui la Polonie e jere sòt dal domini rûs, Maria Skłodowska e crês in une famee di insegnants. E à vût di afrontâ numerosis dificoltâts par podê studiâ, dât che lis feminis no vevin acêt a lis universitâts. Par podê imparâ, e à frecuentât clandestinament la "Universitât Volante", une istituzion educative ilegâl che e ufrìve istruzion ai polacs, imparant a valorizâ il savê ancje intune situazion di oppression.
Tal 1891 si è trasferide a Parîs par frequentâ la Sorbonne. Chiscj agns a son stâts segnâts di grancj sacrifizis: Marie viveve in une mansarde, mangjant pôc par podê comprâ i libris ma la sô dedizion e je stade premiade cun le lauree in fisiche (1893) e in matematiche (1894).
Tal 1895 si è maridade cul fisic Pierre Curie. Insiemit, a àn iniziât une ricercje meticolose su la radioattivitât de pechblenda (un minerâl di urani). Il lôr lavôr di laboratoris, condusût in condizions precariis, al à puartât a scuvieris epocâls.
Ricercjis sientifichis e Nobel
Il lavôr di Marie Curie al à cambiât par simpri la comprension de materie:
1903 - Nobel par la Fisiche: Marie Curie, Pierre Curie e Henri Becquerel a àn vût il prêmi pe lôr ricercje congiunte sui fenomins de radioativitât. Marie e je stade la prime femine a vincji un Nobel.
La ricercje dal Radi: Daspò de muart tragjiche dal marît (1906), Marie e à continuât a insegnâ (e je stade la prime femine a deventâ professore ae Sorbonne) e a ricercjâ. Doprâ un procediment chimic complès di cristallizazion frazionade, e à rivât a isolâ il poloni (1898) e il radi (1898).
1911 - Nobel par la Chimiche: Marie e à vût un secont Nobel par la scuvierte dai elements radi e poloni e par la isolazion dal radi metallic. E reste ad un vuê la prime e uniche femine a vincji il prêmi in doi ambits diviers e une des pocjis personis a vè al sô non doi Nobel in disciplinis sientifichis.
La sô scuvierte e à dât il via a la ricercje nucleâr moderne, puratant a tancj progrès incalculabils ancje in medisine, in particolâr in tal tratament dai tumôrs.
Contribût durant la Grande Vuere
Durant la Prime vuere mondiâl, Marie Curie e à mostât un grant spirt di altruisim. E à realizât lis "Petitis Curies" (piçulis Curies): un sisteme di circa 20 ambulanzis dotadis di apparecjaduris par raggi X (radiografiis). Chescj automez a permetevin ai miedis di localizâ sfuarcis, balis e scheis intai ferîts sul front, salvant un grum di vitis e evitant amputazions no necessariis. Marie e je jessude in persone sul front a imparâ ai miedis a doprâ chescj struments, purtant la sience diretamént a servizi di cui che al sufrive.
La muart e l'ereditât
Marie Curie e je muarte tal 1934 par vie di une anemie aplastiche gravissime, causade probabilmentri de lungje esposizion ae radioattivitât durante i siei studis, cuant che i pericui dal radi no jerin ancjemò cognossûts. Il sô corpe al è conservât tal Panthéon di Parîs, un onôr risiervât ai grandis personis de storie francese.
La sô linie di ricercje e je continuade de fie Irène Joliot-Curie, che ancje jê e à vût il Nobel par la Chimiche intal 1935 insiemi al marît Frédéric. Il legât di Marie Curie al continue vuê traviers l'Institut Curie di Parîs, un pont di riferiment mondiâl pe lotte cuintri il cancri, che al unìs ricercje di avanguardie e cure dal pazient.
Marie Curie tal cine e in te culture popolâr
La vite e lisscuviertis sientifichis di Marie Curie an cjatât l'interès di une vore di regjists e scritôrs, diventand une icone de sience e dal emancipazion de femine. De sô storie son stâts basâts varis film e oparis audiovisivis:
- Madame Curie (1943), regjie di Mervyn LeRoy: film hollywoodian storic cun Greer Garson tal rûl di Marie e Walter Pidgeon tal rûl di Pierre Curie. Il film al è stât nominât a vot Premi Oscar.
- Marie Curie: Une femme honorable (1991), miniserie di television francêse di Michel Boisrond, basade su la biografie di Françoise Giroud.
- Les Palmes de M. Schutz (1997), regjie di Claude Pinoteau: comedie francêse indulà che Marie e è interpretade di Isabelle Huppert.
- Marie Curie (2016), regjie di Marie Noëlle: coproduzion europeane cun Karolina Gruszka tal rûl de sienziade.
- Radioactive (2019), regjie di Marjane Satrapi: adattament de graphic novel di Laurent Redniss, cun Rosamund Pike te part di Marie Curie.
No mancjn riferiments tai fumets, teatri e tal mont des serie tv (come par esempli te comedie merecane The Big Bang Theory, indulà che ven citricade plui voltis come model di sientifiche).
Bibliografie
- Curie, E., Marie Curie, Milano, Mondadori.
- Giroud, F., Marie Curie. Una vita, Milano, Sperling & Kupfer.
- Quinn, S., Marie Curie: A Life, New York, Simon & Schuster.
- Pasachoff, N., Marie Curie: And the Science of Radioactivity, Oxford University Press.
Leams esternis
- Voce su Marie Curie sul sît uficiâl dal Prêmi Nobel
- Voce "Marie Curie" su Wikipedia
- Voce "Marie Curie" su Encyclopedia Britannica
