奧斯陸

奧斯陸（挪威話：Oslo）係北歐大城，亦係挪威首都同最多人住嘅城市，位於挪威東南部斯卡格拉克海峽沿岸，人口約70萬（2022年統計），佔挪威總人口約莫八分一。

個城喺1048年開埠，係挪威國王哈拉爾三世嘅主意。1624年個城市毀於大火。喺阿克斯胡斯城堡附近重建，改名 Christiania 或 Khristiania。1883年1月1號變成直轄市（formannskapsdistrikt）。1925年改翻原名。

奧斯陸搞過1952年冬季奧林匹克運動會。1993年5月，以色列同巴勒斯坦解放組織喺呢度簽《奧斯陸協議》。奧斯陸亦係諾貝爾和平獎頒獎嘅地方，頒獎禮喺奧斯陸市政廳舉行。