An K-pop (pinahalipot han Korean pop; Kinoryano: 가요 kayo) in uska klase hin musika nga nagtikang ha Salatan nga Korea. Api ini it tanan na klase hit popular nga musika nga tikang ha South Korea, ini na pinulungan kay ginagamit para ha mas kinabag-ohan na porma hit popular na musika ha South Korea nga kumukuha hin inspirasyon tikang ha iba iba na style ngan genre tikang ha bug-os nga kalibutan, usa ini kay pop music tikang ha West, rock, experimental, jazz, gospel, Latin, hip hop, R&B, reggae, electronic dance, folk, country tapos classical nga may-ada la gihapon bahid han iya pagka-Koreano.
An mas moderno na porma hini na genre kay umusbong tikang han pinakasiyahan na mga K-pop grupo, Seo Taiji and Boys, nga ginhimo han 1992. An ira pag-eexperimento han igriba nga istilo ngan klase han musika nga nagsusuksok gihapon hin impluensya tikang ha mga dahuyan kay nagbulig para ig-bag-o tapos igpamoderno an musika ha Salatan nga Korea.
An moderno na kultura han mga K-pop "idol" kay nagtikang han boy band nga H.O.T. han 1996, samtang an K-pop kay nagdadako komo usa nga subculture kun ngain nagka-ada hin damo nga fans nga mga daraga ngan ulitawo tapos mga mas lagas pa hiton. Han humamubo an pagkapopular han sinauna na K-pop, didto umusbong hira TVXQ ngan Boa nga nagtikang hin bag-o nga henerasyon hit mga K-pop idols nga ginsulod an genre tipakadto ha Hapon tapos hasta yana, nagtitika-popular la gihapon an K-pop ha internasyonal.
