Hi Liam Antony “William” Singe (gin-anak han ika-2 han Hulyo 1992) kay usa nga Australian kantor, manunurat hin kanta ngan producer. Pinaka-kilala inin hiya kay hit iya mga online video nga may-ada views nga na-abot hin milyones ha YouTube ngan Facebook.

Nagtikang hi Singe han iya propesyon nga miyembro han The Collective, usa nga Australian boy band nga nabug-os dida han ika-upat nga season han The X-Factor Australia han 2012, tapos nag-tapos hin ika-tulo. An The Collective kay nag-pirma hin kontrata ha Sony Music Australia tapos naka-gawas hin pito nga singles ngan usa nga album nga naka-ngaran ha ira grupo. Nag-disband ini hira pagkatapos umiwas hi Singe han ira grupo han 2015.

Han 2014 ngan 2015, nag-record hi Singe hin damo nga R&B, pop, hip-hop ngan rap covers ha iya kalugaringon kwarto. Ha usa ka-tuig, nagkamay-ada hiya hin sobra duh aka-milyones nga nagi-idolo ha iya ha Facebook, ngan umabot hin numero uno nga posisyon ha Spotify, 20 milyon nga streams ha Spotify, ngan naka-kuha hin sobra 100 milyon nga views ha iya videos ngan us aka-milyon nga subscribers ha YouTube.

Hi Singe kay gin-anak ngan dumako ha Forestville, kilala gihapon nga 'Forry', usa nga suburb ha norte hit Sydney. It iya lahi kay Māori Australian.

Nagtikang hi William nga mag-record hin musika han bata pahiya, nakuha hin inspirasyon tikang ha iya amay, usa nga kantor ngan manunurat hin kanta tikang New Zealand.

Naging estudyante hiya ha St Augustine's College ha Brookvale ngan nagtrabaho nga bank teller ha COmmonwealth Bank ha Dee Why.