Malabo

En tel 1827, i inglexi i ga afità l’ìzoła de Bioko da i spagnoli e costruì el Forte Clarence. Da qi i inglexi i vole acontrolar i porti de l’Africa Ocidentale par far smetar la trata de i sciavi. I s-ciavi libarà vegnea portadi su l’ìzoła de Bioko. Co la fondasion de la colonia par i s-ciavi libaradi in Sierra Leone, i neri de Bioko i xe stà mandà la. On grupo l’è restà ndrio e i desendenti i se cata oncora ancò, i se ciama fernandinos. I fernandinos i parla on pidgin afro-portoghexe. Co i spagnoli sa ritolto l’ìzoła, i ga cambià el nome a la sità e i la ciamada Santa Isabela. En tel 1969, la cavedal la xe stà mosa da Bata a Santa Isabela. En tel 1973, el presidente Francesco Macias Nguema el ga sostegnù na campagna de africanizasione. La sità de Santa Isabela la ga cambià nome n’altra olta e l’è diventà Malabo. Macias ga anca scominsià la so campagna de genocidio e ga fato copar quasi tuti i bubi, n’etnia minoritaria in tel paexe ma che i xera la majoria a Bioko. Durante stò periodo, el 30% de la popolasion el xe scapà via e ancor ancò vive fora dal paexe. Ne i ultimi tempi, co el ricatameto de petrolio inte le àcue teritoriali, la sità de Malabo la xe diventà na meta importante de marcanti eoropee americani. La zente, parò, non ga oncora visto lo svilupo che se podaria far co i schei del petrolio.