Sinan (təmomə nom Abdulmennan oglu Sinaneddin Jusuf (tur. Abdülmennan oğlu Sinaneddin Yusuf), zynə bejdə bənə Hočə Mimar Sinan Aga (tur. Hoca Mimar Sinan Ağa — əǧə miəllim memar Sinan) u Mimar Sinan (tur. Mimar Sinan — memar Sinan); 15 aprel 1488 sor, Agyrnəs di (Kajseri nezi) — 17 ijul 1588 sor, Istanbul) — Osamanijon ən məšhurə memaronədə u myhəndisonədə gyləje. 1538 soriku osmanijon əsosə memar u myhəndisi vəzifə gətəše.
Cy I Sulejmani vaxtədə binon onoə koon dəvonijəše u əcəj dumo cy II Selimi u III Muradi vaxtonədə. Čo čurə binon onoəše — məciton, mysylmonə məktəbon, pardon, u cy sultanon hərbijə šemononədə dəvardə roon. Məšhurə Roksolana həmomon soxtəše u əcəj mavzolej. Cy Sinani tələbə Sedefkar Məhmət Əgə Istanbulədə cy Kavujə məciti myəllif be, čo gylə tələbon Kanə pardi Mostarədə (Bosnijə u Hertsegovina) naxšə kəšəše, u čo gylə tələbə, surijəvyžə memar Ustad Isa Xan, Tač-Mahali naxšə kəšəše.
