Demirgazyk Amerika (iňl. North America, fr. Amérique du Nord, isp. América del Norte, Norteamérica, ast. Ixachitlān Mictlāmpa) — Ýer planetasynyň 6 sany materiginiň biri, ol Ýeriň Günbatar ýarymşarynyň demirgazygynda ýerleşýär.
Demirgazyk Amerikanyň meýdany adasyz — 20,36 mln. km², adalar bilen — 24,25 mln. km². Demirgazyk Amerikanyň adalaryna Grenlandiýa (2,176 mln. km²), Kanada Arktiki arhipelagy, West-Hindistan, Aleut adalary we beýlekiler degişlidir.
