Edgar Allan Poe

I Edgar Allan Poe (19 ya ing Enero 1809 – 7 ya ing Octubre 1849) métung yang talasúlat, poeta, talapatuntun ampóng critico literariang kabalítan díli karéng kayang poesia ampó réng kayang makúyad a salítâ, particular karéng salítá ning misterio ampóng salítang mákapangilábut. Tutúring déng mánimunang taúan ning Romanticismo ampó ning Gothic fiction king Estados Unidos, ampó ning literaturang Americanu. Métung ya karéng múmúnang talasúlat makúyad a salítâ, at tutúring déng ménimbéntu king detective fiction ampó ing métung karéng maulagang minambag king science fiction. Ya ing múmúnang kabalítan a talasúlat a Americanung mébiéng bukud mung king pámaniúlat, a yang sangkan ning kayang masákit a bié ampóng carera.