Ni Edgar Allan Poe (naiyanak a kas ni Edgar Poe, Enero 19, 1809 – Oktubre 7, 1849) ket maysa nga Amerikano a mannurat, mannaniw, editor, ken kritiko ti literatura, ken makunkuna a paset ti Romantiko a Tingnay.
Naiyanak a kas ni Edgar Poe idiay Boston, Massachusetts: naubing a naulila idi pimmusay ti inana kalpasan idi pinanawan ti amana ti pamilyada. Ni Poe ket inaywanan idi ni John ken Frances Allan, iti Richmond, Virginia.
