Edgar Allan Poe (Boston, Massachusetts, SUA le 19 de januario 1809 – Baltimore, Maryland, SUA le 7 de octobre 1849) esseva un scriptor statounitese. Ille es multo ben cognoscite pro su poemas, como "The Raven" ("Le Corvo"), e pro su contos, como "The Murders in the Rue Morgue" ("Le Assassinatos in le Rue Morgue") e "The Masque of the Red Death" ("Le Mascarada del Morte Rubie").
A causa de su tres contos super le detective C. Auguste Dupin, comenciante con "The Murders in the Rue Morgue," ille es sovente considerate como le creator del genere moderne del fiction detective. Le Premio Edgar pro fiction detective es appellate in su honor.
Le grande popularitate de su obra in le seculo 21 es indicate per le facto que ille es un del autores le plus communmente legite in le sito gutenberg.org (e.g., pro le 30 dies ante le 22 de april de 2020 Poe esseva le autor le 3tie plus popular e su Obra Collegite esseva le scripto le 2nde plus popular).
