Bamako adolah ibu kota jo kota tagadang nagara Mali nan talatak di tapi Sungai Niger. Pado tahun 2022, panduduaknyo bajumlah 4.227.569 jiwa. Kota ko marupokan pusek pamarentahan nagara. Dalam bahaso Bambara, Bamako bararti “sungai buayo”.
Wilayah nan manjadi kota tu alah diunyi sajak tahun 600-an SM. Barado di wilayah nan subur, wilayah tu bakambang manjadi jalur padagangan nan manjua ameh, gadiang, kacang kola, jo garam. Pado abaik ka-11 M, Kakaisaran Ghana manjadi karajaan patamo nan manguasoi wilayah tu, jo kamudian digantian dek Kakaisaran Mali. Pado tahun 1904, Parancih manjajah Mali, sarato pado tahun 1908 Bamako manjadi ibu kota Sudan Parancih. Pado tahun 1960, Bamako manjadi ibu kota nagara katiko Mali mardeka.
Bibliografi
- Imperato, Pascal James (1996). Historical Dictionary of Mali (edisi ke-3rd). Metuchen, New Jersey: Scarecrow Press. ISBN 0-8108-1369-6. https://archive.org/details/historicaldictio0000phil.
Bacoan tambahan
- Perinbam, B. M. (1999). Family Identity And The State In The Bamako Kafu. Routledge. https://www.taylorfrancis.com/books/mono/10.4324/9780429500558/family-identity-state-bamako-kafu-marie-perinbam. Diakses pado 17 Oktober 2024.
- Velton, Ross (2000). Mali: The Bradt Travel Guide. Guilford, Connecticut: Globe Pequot Press. ISBN 1-8983-2393-3. https://archive.org/details/bradttravelguide0000velt.
