Ti Morelos (Panangibalikas nga Espaniol: (dengngen)), opisial a ti Nawaya ken Naturay nga Estado ti Morelos (Espaniol: Estado Libre y Soberano de Morelos), ket maysa kadagiti 31 nga estado a no mairaman ti Pederal a Distrito, ket mangbukel kadagiti 32 a Pederal nga Entidad ti Mehiko. Daytoy ket nabingbingay kadagiti 33 nga ili ken ti kapitolio a siudadna ket ti Cuernavaca.
Daytoy ket mabirukan idiay Abagatan-Tengnga a Mehiko. Daytoy ket beddengan babaen dagiti estado ti Mehiko iti amianan-daya ken amianan-laud, ti Puebla iti daya ken ti Guerrero iti abagatan a laud. Mabirukan ti Siudad ti Mehiko iti amianan ti Morelos.
Ti Morelos ket ti maikadua a kabassitan nga estado iti pagilian, kalpasan laeng ti Tlaxcala. Daytoy ket parte idi ti dakkel a probinsia ti Estado ti Mehiko aginggana idi 1869, idi inbilin ni Benito Juárez a dagiti teritoriona ket maisina ken maipanagan a kas pammadayaw kenni José María Morelos y Pavón.
Dagiti akinruar a silpo
Dagiti midia a mainaig iti Morelos iti Wikimedia Commons
Pakaammo ti panagbiahe idiay Morelos manipud iti Wikivoyage (iti Ingles)
Heograpiko a datos a mainaig iti Morelos iti OpenStreetMap
- (iti Espaniol)—Website ti Estado ti Morelos
