Morelos, ointutunan miampai nokoimagon sabaagi Pogun Nakagabas om Berdaulat Morelos, nopo nga iso pogun i aiso akses kotogisan i poinladsong id kabaatan-tanga Mexico. Ii nopo nga iso mantad 32 pogun i mombontuk Entiti Persekutuan Mexico. Abaagi ii kumaa 36 kakadayan om ibu negara nopo dau nga Cuernavaca.
Morelos nopo nga miwolit miampai Ciudad de México id koibutan, om miampai pogun-pogun México id koibutan kosilahon om koibutan kotonobon, Puebla id kosilahon, om nogi Guerrero id kabaatan kotonobon.
Morelos nopo nga pogun (negeri) koduo bobos okoro id pogun diti, kalapas Tlaxcala. Ii nopo nga soboogian mantad iso wilayah di agayo, Pogun Mexico, gisom toun 1869 soira pinoimagon di Benito Juárez do pitongkiadon dau o wilayah disio om pungaranan kopihondot José María Morelos y Pavón, i minongumolig kakadayan Cuautla mantad soudor royalist maso Sangod Kagabasan Mexico. Soboogian tagayo nopo pogun diti nga mamaramit iklim alasu poingompus toun, i kosudong montok pananaman tobu om tanom suai. Nakagayat do tutumombului o Morelos maya Lembah Mexico mantad zaman Aztek.
Ointutunan nogi o pogun diti miampai Chinelos, iso kawwo susumayau i kiwaa bangkad poimbida i koimbulai id karamayanl, loolobi ontok Karnival, i taandakon do piipiro komuniti id pogun diti. Ii nogi nga walai montok Monasteri id dotidong Popocatépetl, sabaagi World Heritage Site (Tapak Warisan Dunia) i nookunan.
Bibliografi
- Jimenez Gonzalez, Victor Manuel, ed. (2009). Morelos: Guia para descubrir los encantos del estado [Morelos: Guide to discover the charms of the state] (id boros Sepanyol). Mexico City: Editorial Oceano de Mexico SA de CV. ISBN 978-607-400-230-0.
- Romo, Luis (2006). "La ciudad de la eterna primavera" [The city of eternal spring]. Rutas Turisticas:Morelos Mexico Desconocido (id boros Sepanyol). Mexico City: Grupo Editorial Impresiones Aéreas. 130. ISSN 0188-5146.
- Secretaria de Educación Publica. Morelos: Monografía estatal: 1982.