Loudieg

• Lec'hiet eo Loudieg e Kreiz-Breizh, etre an hentoù N164 (Roazhon-Brest) ha D700 (Sant-Brieg-Pondi). 30 mn diouzh Sant-Brieg hag 1 eur diouzh Roazhon.

Kumunioù amezek

	Treve	Treve, Ar Voudenn	Ar Voudenn
	Oud, Sant-Karadeg, Henvoustoer	N	Perenezeg
		K    Loudieg    R
		S
	Oud, Sant-Goneri	Sant-Maodan	Sant-Barnev

• War al linennoù hent-houarn (serret) Karaez Loudieg ha Pondi Sant-Brieg emañ Loudieg.

Stummoù kozh

Kavout a reer ar stummoù-mañ: Locduiac (etre 1066 ha 1082), Lodeac (e 1149), Lodoach (e 1223), Lodeac (e 1239, e 1264), Parrez ha burgus Lodeiac (e 1263), Lodoiac (e 1269, e 1280), Loudeac (e 1271), Lodoyac (e 1286), Lodeac (e 1296), Lodehac (e 1369), Loudeac (e 1396). Ar stumm melestradurel a-vremañ a zeu war wel e 1427 (Dielloù Liger-Atlantel, B 2979).

Brezhoneg

E brezhoneg eo testeniekaet ar stummoù-mañ: Loudeac (1789, 1790, 1865, 1911), Loudeak (1847, 1884, 1894, 1905, 1910), Lozag (1906, 1908), Loudieg (etre 1910 ha 2022), Laudeg (1919), Laodeg (1923, 1927), Loudeag (1933), Laudâc (1934), Loudéak (1937), Leudeg (1967), Ludwag (1978), Loraog (1978).

En glazur e deir gwerzhidenn en argant; e gab en gul, karget gant teir mailhenn en aour.

XI^vet kantved

• War-dro 1059: meneg kentañ eus "Loudeac" e karta diazez prioldi ar Groaz Santel e Josilin.

XIII^vet kantved

• 1263: Loudieg zo lakaet da barrez.

XV^vet kantved

• 1491: arme Bro C'hall a voe ac'hubet Loudieg ganti.

Dispac'h Gall

• Gant al lezenn eus an 26 a viz C'hwevrer 1790 e voe lakaet Loudieg da benn distrig Loudieg.

XX^vet kantved

Brezel-bed kentañ

• Diazezet e voe an Ospital Milourel Klokaus Niv 78 e Loudieg e-pad ar Brezel-bed kentañ; gloazidi a oa erruet e miz Gwengolo dija, ha krouet e voe an ospital d'an 2 a viz Here 1914; serret e voe e dibenn miz Du 1917. An arzourez Jeanne Malivel a voe klañvdiourez ennañ.
• E 1917 e voe degemeret repuidi, 63 Gall ha 62 Velgiad e Loudieg; e mizioù Meurzh hag Ebrel 1918 e teuas pemp repuad all eus departamantoù gall Oise ha Somme abalamour d'an dagadenn alaman bet boulc'het e miz Meurzh.
• Mervel a reas 220 gwaz hervez monumant ar re varv (eleze 3,83% eus ar boblañs e 1911) er gumun, met 251 hervez monumant Santez-Anna-Wened, abalamour d'ar brezel; lazhet e voe pevar anezhe e Belgia e miz Eost 1914, e penn- kentañ ar brezel: d'an 21 e Fosses-la-Ville, ur soudard eus an 70vet Rujumant Troadegiezh ha, d'an 22 en Arsimont, ur soudard eus an 71vet Rujumant Troadegiezh e Maissin, ur soudard eus an 19vet Rujumant Troadegiezh hag en Emgann Rossignol, ur c'hanolier blenier eus an 2vet Rujumant Kanolierezh Trevadennel; d'an 22 a viz Ebrel 1915 e voe lazhet daou soudard eus an 71vet Rujumant Troadegiezh e Boezinge e Flandrez Belgia.

Eil brezel-bed

• D'an 28 a viz Ebrel 1941 e kouezhas un nijerez (Hampden I marilhet AD834 ha kodet VN-?) eus ar Royal Air Force e Quilliant, nepell eus Loudieg. Daou nijour eus he laz a varvas. Douaret e voent e bered ar gumun. Unan all a voe serret d'an Alamaned, unan all a zeuas a-benn da achap.
• D'ar 4 a viz Gouhere 1944 e voe lazhet seizh Rezistant FFI gant an Alamaned e "La Porcherie".
• Dieubet e voe Loudieg d'an 3 a viz Eost 1944 gant lu ar Stadoù-Unanet.

Brezelioù didrevadennañ

• Mervel a reas daou vilour eus ar gumun er Viêtnam abalamour d'ar brezel.

• Mervel a reas daou vilour eus ar gumun abalamour d'ar brezel.

• 33,9 % eus anvioù-lecʼh ar gumun a zo brezhonek.

• Iliz katolik Sant Nikolaz.
• Ar c'hoc'hu.
• Monumant ar re varv e Leurgêr an Ti-post, luc'hskeudenn ha kartenn-bost.
• Monumant kantonel ar re varv (1939-1945, Brezelioù Indez-Sina hag Aljeria) el Leurgêr Charles de Gaulle, luc'hskeudenn.
• Plakenn ar re varv (1914-1918) en iliz katolik, luc'hskeudenn.
• Monumant ar Rezistanted FFI bet lazhet e miz Gouhere 1944, luc'hskeudenn.

Bered ar gumun

• Beziet eo bet enni soudarded eus ar brezelioù-bed hag izili eus ar Rezistañs.

• Bezioù ar C'hommonwealth: daou nijour marvet e miz Ebrel 1941, e-pad an Eil brezel-bed, pa gouezhas o c'harr-nij nepell eus Loudieg.

Roll ar vaered

Emdroadur ar boblañs abaoe 1962

Niver a annezidi

Tud bet ganet eno

• 1895: Jeanne Malivel, arzourez.
• 1901: Yann Sohier, skolaer ha difenner ar brezhoneg er skol.
• 1971: Sylvain Guillemot, mestr-keginer

Tud bet marvet eno

Ardamezeg ar familhoù

Aotrounez la Vallée

• (fr) Lec'hienn ofisiel kêr Loudieg
• (br) Loudieg war GeoBreizh.com