Islamabad (اسلام آباد n'urdu, que quier dicir "habitáu pol islam") ye la capital de Paquistán. Ta asitiada al noreste del país y tien una población aproximada de 900.000 habitantes (2004).
En 1959 un grupu d'urbanistes diseñaron la ciudá pa sustituir a Karachi como capital del país. Dos años dempués escomenzaron les obres y pa 1967 la ciudá ya yera oficialmente la nueva capital. En 1970 acabáronse les obres. La ciudá ta dividida n'ocho zones diferentes, caúna con una actividá predominante.
