macOS, voorheen bekend as Mac OS X en OS X, is 'n bedryfstelsel vir tafel- en skootrekenaars van die Kaliforniese harde- en sagteware-onderneming Apple Inc.. Mac OS X is in 2001 vrygestel, eerder as Mac OS X, 10.0. Die nuutste weergawe van die bedryfstelsel is macOS 10.15 (macOS Catalina) as opvolger van macOS Mojave (macOS 10.14). Nog in 2020 word die vrystelling van macOS Big Sur verwag, genoem na 'n Kaliforniese kusstreek. Die nuwe bedryfstelsel sal as macOS 11 bekendstaan en beteken dat Apple ná byna twee dekades van macOS10 na 11 oorgaan. Die nuwe bedryfstelsel is die eerste wat sonder Apple se vroeëre hoofontwerper Jonathan Ive ontwikkel is.
Kenmerkend vir macOS is die objekgeoriënteerde gebruikerskoppelvlak (met 'n stabiele oopbron-Darwin- en BSD-Unix-bedryfstelsel in sy kern) en UNIX-03-gesertifiseerde koppelvlakke. macOS is die kommersieel suksesvolste Unix-stelsel vir persoonlike rekenaars en het daarnaas as basis gedien vir nuwe Apple-toestelle soos iPod en iPhone. Darwin dien as gemeenskaplike basis (as core operating system of kernbedryfstelsel met XNU-hibiriedkern). Gemodifiseerde variante van macOS dien as bedryfstelsel vir iPhone, iPad, iPod Touch, Apple Watch en Apple TV.
Apple Inc. se lisensiebepalings beperk die gebruik van macOS tot die onderneming se eie hardeware.
Eksterne skakels
- (en) Apple se hoofblad vir die macOS-bedryfstelsel
