玛丽亚·特蕾莎

玛丽亚·特蕾莎（德文：Maria Theresia，1717年5月13号—1780年11月29号），是18世纪奥地利哈布斯堡王朝个统治者，拥有奥地利大公、波西米亚国王、匈牙利国王等称号。弗过，因为伊是女个，弗好继承神圣罗马帝国皇帝个头衔，所以，迭个头衔由伊个老公洛林弗朗茨一世搭儿子约瑟夫二世先后继承。特蕾莎女王登基个辰光，爆发奥地利王位继承战争，虽然丢脱西里西亚，弗过还是成功继位并稳定匈牙利王国个民心。伊是传统主义者，对开明专制嘸大兴趣。