| 108 |
2
14 32 32 18 8 2 |
| Hs 269 |
|
| Hassii |
Hassii (Hs — hassium latinan kelel) om 108nz' himine element himižiden elementoiden periodižes tabludes. Sen sijaduz om kahesandes gruppas (vanhtunuden klassifikacijan mödhe — kahesanden gruppan laptalagruppas, VIIIB), tabluden seičemendes periodas.
Ühthine ümbrikirjutand
Ei ole hassijad londuses. Se om transaktinoidine ratud element. Germanižiden fizikantedomehiden grupp Jügedoiden ioniden Institutaspäi (Darmštadt) avaiži hassijan vl 1984 hahktinan-208 i raudan-58 südäitukreakcijas.
Vspäi 1997 element om nimitadud Saksanman Hessen-man mödhe (latin.: Hassia), Darmštadt oli sen keskaigaižeks pälidnaks.
Himižed ičendad oma osmijan kartte.
Fizižed ičendad
Hassii om radioaktivine päličmänendmetall. Metallan muju om hobedaiž-vauged ezimeletaden. Ei ole sadud znamasižes lugumäras heredan čihodamižen tagut.
Atommass — 269. Ninevuz (normaližiš arvoimižiš) — 40,7 g/sm³ (ezimeletaden).
Vodele 2024 kaik om 13 avaitud izotopad 263..273, 275 da 277 atommassanke, i niiden nell' izomärad (265m, 266m, 269m, 271m). Kaikiš hätkemban hassii-271-izotopan pol'čihodamižen pord om 46 sekundad, 269Hs om kahtenz' hätkte (T½=13 sekundad), 270Hs om koumanz' (7,6 sekundad). Kaikiš hätkemb eläi izomär om 271mHs (T½=7,1 sekundad). Izotopad 263, 265, 267..269 i 271..273 hajetas α-čihodamižen kal't, izotopad 264, 266, 270 i 275 — α-čihodamižen i südäitukun spontanižen jagamižen kal't, hassii-277 — südäitukun spontanižen jagamižen kal't täuzin. Izotopad 263, 265, 267..269 i 271..273 kändasoiš siborgijaks, izotopad 264, 266, 270 i 275 nomeranke — siborgijaks i erazvuiččikš elementoikš, hassii-277 — erazvuiččikš elementoikš.