Ulysses S. Grant (talaffuzi: Uliss Grant; tugʻilgan paytidagi ismi Hiram Ulysses Grant (talaffuzi: Hayram Uliss Grant); 27-aprel, 1822-yil — 23-iyul, 1885-yil) amerikalik harbiy ofitser va siyosatchi boʻlgan boʻlib, 1869-yildan 1877-yilga qadar Amerika Qoʻshma Shtatlari 18-prezidenti lavozimini bajargandir. Prezident oʻlaroq Grant Adliya vazirligini yaratgan va qayta qurish davrida afroamerikaliklarni muhofaza qilish uchun Radikal Respublikachilar bilan birga ishlagan samarali fuqarolik huquqlari boʻyicha maʼmuriyat boshligʻi boʻlgan. Komandir-general oʻlaroq u 1865-yili Amerika fuqarolar urushida Birlik (Union) armiyasini gʻalabaga yetakladi hamda keyinroq oz muddat urush kotibi lavozimida faoliyat yuritdi.
Ismi
Oila afsonasiga koʻra, bola uchun „Ulysses“ ismini qoʻyishni uning oʻgay buvisi Sara Simpson taklif qiladi. U bu ismni Fenelonning „Telemakning sarguzashtlari“ romaniga katta taassurot qoldirgan personaj — „Ulysses“ (Odissey) dan olgan. va „Hayrem“ ismini esa bobosi Jon Simpson qoʻygan. „S“ bosh harflari esa Grantni „West Point“ akademiyasiga tavsiya qilgan Kongress aʼzosi Thomas Hamerning xatosi tufayli paydo boʻlgan. Ulissning onasining familiyasi boʻlgan Simpson nomi esa, baʼzan uning ikkinchi ismi deb notoʻgʻri talqin qilingan boʻlsa-da, Grantning fikriga koʻra, bu haqiqatga mos kelmaydi. Akademiyada Grant ismining bosh harflari bilan: „U. S. Grant“ deb qayd qilingani tufayli uni „Sam Grant amaki“ deb chaqirishgan, yoki oddiygina qilib Sam deb.
Hayoti
Hiram Ulysses Grant Ohio shtatining Point Pleasant shahrida 1822-yil 27-aprelda dunyoga kelgan. Otasi Jesse Root Grant koʻnchi va savdogar boʻlgan, onasi — Hannah Simpson Grant.
Xotirasi
1897-yilda Grant xotirasiga New York shahrida Grant mavzoleyi ochildi.
Shu kungacha Amerika Qoʻshma Shtatlaridagi beshta shahar uning nomi bilan atalgan. Kansas shtatidagi Ulysses shahri ham Grant sharafiga nomlangan.
1913-yildan buyon Grant portreti 50 dollarlik banknotada tasvirlangan.
Havolalar
- Ulysses S. Grant Kutubxonasi (Wayback Machine saytida 2015-08-20 sanasida arxivlangan) (ingl.)
- Ulysses S. Grant: A Resource Guide — Kongress kutubxonasi (ingl.)
