Opera – Norvegiyalik Opera Software kompaniyasi tomonidan ishlab chiqilgan veb brauzer va internet dasturlari paketi. Opera veb-saytni koʻrish, e-mail yozish va qabul qilish, kontaktlar bilan ishlash, IRC onlayn chat, fayllarni yuklab olish va shu kabi internet bilan bogʻliq barcha vazifalarni bajaradi. Shaxsiy komputerlarda va mobil telefonlarida oʻrnatish uchun ushbu dastur tekin taklif etiladi, lekin boshqa vositalarga oʻrnatish uchun maʼlum bir qiymatda pul toʻlanishi kerak.
Opera Microsoft Windows, Mac OS X, Linux, FreeBSD va Solaris kabi turli shaxsiy komputer operatsion sistemalarida ishlaydi. Ishlatilishining kengligi jihatida bugungi kunda Opera Internet Explorer, Firefox va Safaridan keyingi 4-oʻrinda turadi.
