Si Sir Karl Raimund Popper, CH FRS FBA (28 Hulyo 1902 – 17 Setyembre 1994) ay isang pilosopong Austro-British at propesor sa London School of Economics. Siya ay pangkalahatang itinuturing na isa sa pinakadakilang mga pilosopo ng agham ng ika-20 siglo. Ekstensibo rin siyang sumula sa pilosopiyang panlipunan at pampolitika. Noong 1992, siya ay ginawaran ng Kyoto Prize in Arts and Philosophy para sa "pagsisimbolo ng bukas na espirito ng ika-20 siglo" at malaking impluwensiya sa pagkakabuo ng modernong klimang intelektuwal".
Si Popper ay kilala sa kanyang pagtakwil sa klasikong obserbasyonalista/induktibistang anyo ng pamamaraang siyentipiko para sa empirikal na pagpapamali. Siya ay kilala rin sa kanyang pagsalungat sa klasikong hustipikasyonistang salaysay ng kaalaman na kanyang pinalitan ng kritikal na rasyonalismo na unang 'hindi hustipikasyonal na pilosopiya ng pagbatikos' sa kasaysayan ng pilospiya. Sa diskursong politika, siya ay kilala sa kanyang pagtatanggol sa demokrasyong liberal at mga prinsipyo ng kritisismong panlipunan na kanyang pinaniwalaang gumawang posible sa isang yumayabong na bukas na lipunan.
