Ang Gonnesa ay isang comune sa Lalawigan ng Sulcis Iglesiente sa rehiyon ng Cerdeña, kanlurang Italya, na matatagpuan mga 60 kilometro (37 mi) sa kanluran ng Cagliari at mga 14 kilometro (9 mi) hilagang-kanluran ng Carbonia, sa subrehiyon ng Iglesiente.
Ang bayan ay muling itinatag noong huling bahagi ng ika-18 siglo ng lokal na piyudatoryo. Noong ika-19 na siglo ang teritoryo nito ay naapektuhan ng pagpapatuloy ng pagmimina na malaki ang naiambag sa paglaki ng populasyon nito.
Sa Munisipalidad ng Gonnesa ay matatagpuan ang minahan ng Nuraxi Figus, ang huling aktibong minahan ng karbon sa Italya ngayon.
Sa teritoryo nito ay mayroong mahalagang pook arkeolohiko, ang nuraghe Seruci, at dalampasigang halos 4 kilometro (2 mi) kung saan maaaring mag-surf, lalo na sa isang lugar na tinatawag na Funtanamare. Ang iba pang dalawang lugar ay tinatawag na Plag' 'e Mesu ("Gitnang Dalampasigan" sa wikang Sardo, at Porto Paglia. Ang Gonnesa ay may hangganan sa mga sumusunod na munisipalidad: Carbonia, Iglesias, at Portoscuso.
