Ang Albidona (Albidonese: Albdòn) ay isang bayan at komuna sa lalawigan ng Cosenza sa rehiyon ng Calabria sa katimugang Italya. Matatagpuan ito sa pagitan ng Dagat Honiko at mga bundok ng Pambansang Liwasan ng Pollino, sa 11 km mula sa dagat at 18 km mula sa mga bundok.
Kasaysayan
Ang mga sinaunang historyanong sina Licofron at Estrabon ay nag-ulat na ang Albidona ay itinatag sa mga guho ng Leutarnia, isang luma at malaking lungsod ng Kalakhang Gresya ng manghuhula na si Calcas, na bumalik mula sa Digmaang Troya. Ang pinakalumang impormasyong pangkasaysayan tungkol sa Albidona ay nagmula sa bandang 1000.
Iniuulat ng dokumentong ito na isang Gudelmo ng Medania ang nagkaloob noong Agosto 1099 sa isang Gudelmo ng Barcelona, igumeno o abad ng monasteryo ng S. Maria di Stelegrosso, ng "isang diploma ng kaligtasan laban sa anumang paggamit ng mga ahente ng pampublikong domain sa teritoryo ng Albidona", ibig sabihin, isang uri ng pribilehiyo tungo sa pagmamay-ari ng monasteryo mismo.
Sa panahon pagkatapos ng pag-iisa, ang pamumuno ng munisipalidad ay pangunahing hawak ng mga miyembro ng mga nangingibabaw na lokal na pamilya, tulad ng mga Prinsis, mga Mele, at mga Chidichimo. Kabilang sa mga huli ay ang nabanggit na Luigi Chidichimo, na kalaunan ay naging pangulo ng Lalawigan ng Cosenza at isang miyembro ng pambansang parlamento.
