Зиндагинома
Таҳти роҳнамоии падар нахустин қадамҳоро ба ҷаҳони теннис гузошт. Дар 17-солагӣ беҳтарин варзишгарзани Олмон гардид ва соли 1987 қаҳрамони чемпионати озоди ИМА шуд. Дар 107 мусобиқаи гуногун ғолиб омадааст. Чандин маротиба соҳиби унвони якумин теннисбози ҷаҳон гаштааст. Дорандаи медалҳои тило ва биринҷии (дар бозии дунафарӣ) Бозиҳои олимпии ш. Сеул (1988), медали нуқраи Бозиҳои Барселона (1992) ва Ордени Олимпӣ (1999). Дар чаҳор чемпионати озоди Австралия (1988, 1989, 1990, 1994), шаш чемпионати озоди Фаронса (Ролан Гаррос; 1987, 1988, 1993, 1995, 1996, 1999), ҳафт мусобиқаи Вимбелдон (1988, 1989, 1991, 1992, 1993, 1995, 1995, 1996) ва панҷ чемпионати озоди Амрико (1988, 1984, 1993, 1995, 1996) пирӯз шудааст. Рекордҳои дарозмуддати баландтарин рейтинг (377 ҳафта) ва мақоми аввал байни занҳои теннисбоз (186 ҳафта) ба ӯ тааллуқ доранд.
Сарчашма
- Граф Штеффи // Вичлас — Гӯянда. — Д.: СИЭМТ, 2015. — (Энсиклопедияи Миллии Тоҷик: [тахм. 25 ҷ.] / сармуҳаррир Н. Амиршоҳӣ; 2011—2023, ҷ. 4). — ISBN 978-99947-33-77-4.
