Албания, сорумдьу аата Албания Өрөспүүбүлүкэтэ (алб. Republika e Shqipërisë) диэн Балканнар дойдулара. Соҕуруулуу-илиҥҥэ Грециялыын, хотуҕа Монтенегролыын, хотугулуу-илиҥҥэ Косовалыын уонна илиҥҥэ Македония Республикатыныын кирбиилэһэр. Арҕааҕа Адриатик байҕал уонна соҕуруулуу-арҕааҕа Ион байҕал бааллар. Италия Отранто силбэhии 75 км уҥуор турар.
Бу дойду Холбоһуктаах Нациялар Тэрилтэлэригэр, Эуропаҕа Харысхал уонна Үлэлэhии Тэрилтэтигэр, Европа Сүбэтигэр, Аан дойду Атыы Тэрилтэтигэр, Ислам Конференциятын Тэрилтэтигэр уонна Сир ортотунааҕы байҕал иһин Унияҕа кыыттыылааҕа. Эуропа Униятыгар уонна NATO-ҕа кыттыылаах буолуон сөптөөх.
Албания парламент демократия уонна тахсар экономика дойдута. Киин куоракка, Тиранаҕа, 600 тыh. киhи олорор. Дойду дьонун бүтүн ахсаана — 3.6 млн.
Албания бэлиэ күннэрэ
- Тохсунньу 11 — Өрөспүүбүлүкэ күнэ (1946)
- Кулун тутар 7 — Учуутал күнэ
- Кулун тутар 14 — Сайыҥҥы күн (Dita e Verës), дьыл кыһынтан сайыҥҥа эргийэр
- Кулун тутар 22 ( Казахстаан, Азербайджан, Пакистаан, Түркменистаан, Ираан, Арассыыйа (Дагестан, Башкорстостан, Татарстан уо.д.а. эмиэ бэлиэтииллэр) — Наурыз
- Ыам ыйын 5 — Толук буолбут дьон күнэ
- Алтынньы 19 — Ийэ Тереза күнэ
- Сэтинньи 22 — Алпаабыт күнэ. 1908 сыллаахха Монастир (билигин Битола) куоракка буолбут кэмпириэнсийэҕэ албаан учуонайдара уонна уопсастыбанньыктара биир алпаабыт ылынар туһунан куоластаабыттара
- Сэтинньи 28 — Тутулуга суох буолуу күнэ (1912); сороҕор Былаах күнэ дииллэр. 1912 сыллаахха Туурсуйаттан тутулуга суох буолууну бэлиэтииллэр. 1443 сыллаахха Скандербег бастакы былааҕы көтөхпүт. 1998 сыллаахха саҥа конституция ылыныллыбыт.
- Сэтинньи 29 — Босхолонуу күнэ эбэтэр Дита-э-Элиримит
- Ахсынньы 8 — Дойду ыччатын күнэ
