Albanya d yiwet n tmurt id yezgan deg wenẓul agmuḍan n Turuft, tezga-d deg Tzunegzirt n Balqan. Tajumma-ynes 28.748 km2 (yikilumitren imkuẓen). Zedɣen-tt 2.876.591 (2017) n yimezdaɣen (Albaniyen). Tamaneɣt-nnes d Tirana.
Aselway: Bamir Topi. Aneɣlaf Amezwaru: Sali Berisha.
Amur ameqran seg wakal n Albanya d idraren aydeg kra n tqacucin ttawḍent ɣer 2100 ed 2600 n lmitrat deg leɛlu. Izuɣar zgan-d deg utaram (lɣerb) n tmurt, ɣef yiri n Yilel Aderyati. Ugar n tis kraḍ (tis tlata) seg wakal n Albanya d tiẓegwa.
Tuget deg yimezdaɣen n Albanya seg weɣref (cceɛb) albani ay d-yudren seg Yilliriyen iqburen (d aɣref ahenduṛufi). Maca llan daɣen Yegrigiyen, Iziganen, Iserbiyen ed Yibulgaṛiyen deg Albanya. Amur ameqran seg yimezdaɣen n tmurt d Inselmen. Aṭas n Walbaniyen ay yeddren daɣen deg tmura tijiratin am Kosovo, Masidunya n Ugafa, Serbi akked Montenegro. Deg wemgaru-nni (ṭṭrad) n Kosovo n 1999, aṭas n Walbaniyen n Kosovo ay d-irewlen ɣer tmurt n Albanya.
Ass-a, Albanya d yiwet seg tmura tigellilin akk n Tuṛuft. Tadamsa n tmurt-a tebna ladɣa ɣef tfellaḥt yerna deg 1997, Albanya tenḍerr mliḥ seg yiwet n taluft tameqrant n tdamsa.
Taɣbalut
(c) Omar Mouffok - Tiddukla Tadelsant Imedyazen
