کوردوبا

کوردوبا چې بل نوم يې قُرطَبه هم دی (اسپانيايي ژبه: Córdoba‎)، عربي ژبه: قرطبة‎،(انګليسي ژبه: Cordova‎) د اندلس د اموي واکمنو پلازمېنه او لرغونی ښار دی، چې اوسمهال په اسپانيا کې موقعيت لري او د کوردوبا ايالت پلازمېنه ګڼل کيږي.

دا ښار د اسلامي تاريخ او تمدن يو مهم يادګار ګڼل کيږي. مسلمانانو په دې ښار کې لوړ او ښکلي جوماتونه جوړ کړي چې يو د هغې ډلې د قرطبې جامع جومات دی چې د عبدالرحمن الداخل له لوري چې په اندلس کې د اموي کورنۍ بنسټ اېښودونکی ګڼل کيږي په ۱۷۰ سپوږميز کال د دمشق جامع جومات په بڼه جوړېدو بنسټ کېښود. ښار په عمده توګه د اېبيريا ټاپو وزمې په سوېل کې د ګوادالکويير په ښي څنډه کې پروت دی. يو وخت د روم تر استعمار لاندې وو، وروسته دا د ویزیګوتیک سلطنت لخوا ونیول شو او په اتمه پېړۍ کې د مسلمانانو له خوا فتحه شوه. کوردوبا دا وخت د قرطبې امارت چې وروسته د قرطبې په خلافت بدل شو پلازمېنه شوه۱۰۳۱ کال پورې ترڅو چې اموي کورنۍ په اندلس واکمنه وه، قرطبه د هغه ځای پلازمېنه وه. د اموي کورنۍ پرمهال کوردوبا په اندلس کې د زده کړې يو ستر مرکز باندې بدله شوه، او په لسمه پېړۍ کې د اروپا لسم لوی ښار وګرځېد.