Karachi (urdu: كراچى Karācī) ta e siudat mas grandi di Pakistan i e kapital di e provinsia di Sindh. Te ku 1959, e tabata e kapital di Pakistan.
Karachi tin un área di 3.527 kilometer kuadrá i, segun datonan di 2017, un poblashon di mas o ménos 14,9 mion habitante,, loke ta hasi Karachi un di e siudatnan mas grandi na mundu. E área metropolitano tin un poblashon estimá di mas ku 19 mion habitante (2023). Pakistan no tin un registro di poblashon sentral; pues, e sifranan di poblashon duná ta proyekshonnan basá riba e resultadonan di e senso.
Administrashon
E área atministrativo di Karachi no ta kompletamente urbano ni kontiguo. Aparte di e sentro urbano, tin áreanan ku un karakter mas rural. Pa e motibu aki, e struktura di e siudat por wòrdu kompará ku un provinsia chikitu.
Segun e senso di 2023, e área atministrativo kompleto tabatin serka 20,4 mion habitante.
Ekonomia i infrastruktura
Karachi ta e sentro ekonómiko, komersial i industrial di Pakistan. E siudat tin un papel importante den transporte nashonal i internashonal, komersio, finansa, industria i logistika.
E ta sede di e haf mas grandi di e pais i un nodo importante pa importashon i eksportashon.
Kultura i enseñansa
Karachi ta tambe un sentro kultural importante, ku universidat, kolegio i institutonan di investigashon, monumento históriko, museo i galerianan.
Un di e lugánan mas emblemátiko di e siudat ta Mazar-e-Quaid, e mousoleo di Muhammad Ali Jinnah (1876–1948), e fundadó di Pakistan, kende a nase i ta derá na Karachi.
Fuente, nota i/òf referensia
