ਉਰੂਗੁਏ, ਅਧਿਕਾਰਕ ਤੌਰ 'ਤੇ ਉਰੂਗੁਏ ਦਾ ਓਰਿਐਂਟਲ ਗਣਰਾਜ ਜਾਂ ਉਰੁਗੂਏ ਦਾ ਪੂਰਬੀ ਗਣਰਾਜ(Spanish: República Oriental del Uruguay), ਦੱਖਣੀ ਅਮਰੀਕਾ ਮਹਾਂਦੀਪ ਦੇ ਦੱਖਣ-ਪੂਰਬੀ ਹਿੱਸੇ ਵਿੱਚ ਸਥਿਤ ਇੱਕ ਦੇਸ਼ ਹੈ। ਇੱਥੇ 33 ਲੱਖ ਲੋਕਾਂ ਦੀ ਰਿਹਾਇਸ਼ ਹੈ ਜਿਸ ਵਿੱਚੋਂ 18 ਲੱਖ ਰਾਜਧਾਨੀ ਮਾਂਟੇਵਿਡੇਓ ਅਤੇ ਨਾਲ ਲੱਗਦੇ ਇਲਾਕੇ ਵਿੱਚ ਰਹਿੰਦੇ ਹਨ। ਅੰਦਾਜ਼ੇ ਅਨੁਸਾਰ ਇੱਥੋਂ ਦੇ 88% ਨਿਵਾਸੀ ਯੂਰਪੀ ਮੂਲ ਦੇ ਹਨ। 176,000 ਵਰਗ ਕਿ.ਮੀ. ਦੇ ਖੇਤਰਫ਼ਲ ਨਾਲ ਇਹ ਦੱਖਣੀ ਅਮਰੀਕਾ ਦਾ ਸੂਰੀਨਾਮ ਤੋਂ ਬਾਅਦ ਦੂਜਾ ਸਭ ਤੋਂ ਛੋਟਾ ਦੇਸ਼ ਹੈ।
ਕੋਲੋਨੀਅਲ ਡੇਲ ਸਾਕਰਾਮੇਂਤੋ (ਸੈਕਰਾਮੈਂਟੋ ਦੀ ਬਸਤੀ), ਜੋ ਕਿ ਇਸ ਦੇਸ਼ ਦੀਆਂ ਸਭ ਤੋਂ ਪੁਰਾਣੀਆਂ ਯੂਰਪੀ ਬਸਤੀਆਂ 'ਚੋਂ ਇੱਕ ਹੈ, ਦੀ ਸਥਾਪਨਾ 1680 ਵਿੱਚ ਪੁਰਤਗਾਲੀਆਂ ਨੇ ਕੀਤੀ ਸੀ। ਮਾਂਟੇਵਿਡੇਓ ਦੀ ਸਥਾਪਨਾ ਸਪੇਨੀਆਂ ਵੱਲੋਂ ਇੱਕ ਫੌਜੀ-ਗੜ੍ਹ ਵਜੋਂ ਕੀਤੀ ਗਈ ਸੀ। ਇਸ ਦੇਸ਼ ਨੂੰ ਸੁਤੰਤਰਤਾ 1811-28 ਵਿਚਕਾਰ ਸਪੇਨ, ਅਰਜਨਟੀਨਾ ਅਤੇ ਬ੍ਰਾਜ਼ੀਲ ਦੇ ਤਿੰਨ-ਤਰਫ਼ੇ ਦਾਅਵਿਆਂ ਨਾਲ ਜੱਦੋਜਹਿਦ ਕਰਨ ਤੋਂ ਬਾਅਦ ਹਾਸਲ ਹੋਈ ਸੀ। ਇਹ ਇੱਕ ਲੋਕਤੰਤਰੀ ਸੰਵਿਧਾਨਕ ਗਣਰਾਜ ਹੈ ਜਿਸਦਾ ਸਰਕਾਰ ਅਤੇ ਮੁਲਕ ਦਾ ਮੁਖੀ ਦੋਨੋਂ ਹੀ ਰਾਸ਼ਟਰਪਤੀ ਹੈ।
ਨਿਰੁਕਤੀ
República Oriental del Uruguay ਦਾ ਪੰਜਾਬੀ ਵਿੱਚ ਅਨੁਵਾਦ ਕੀਤਿਆਂ ਉਰੂਗੁਏ ਦਾ ਪੂਰਬੀ ਗਣਰਾਜ ਬਣਦਾ ਹੈ। ਇਸ ਦਾ ਨਾਮ ਉਰੂਗੁਏ ਨਾਮਕ ਨਦੀ ਦੇ ਨਾਲ ਲੱਗਦੀ ਭੂਗੋਲਕ ਸਥਿਤੀ ਕਾਰਨ ਪਿਆ ਹੈ। ਉਰੂਗੁਏ ਨਦੀ ਦੇ ਨਾਮ, ਜੋ ਕਿ ਗੁਆਰਾਨੀ ਬੋਲੀ ਤੋਂ ਆਇਆ ਹੈ, ਦੀ ਨਿਰੁਕਤੀ ਦੁਚਿੱਤੀ ਹੈ ਪਰ ਅਧਿਕਾਰਕ ਮਤਲਬ "ਰੰਗੇ ਹੋਏ ਪੰਛੀਆਂ ਦੀ ਨਦੀ" ਹੈ।
ਤਸਵੀਰਾਂ
ਪ੍ਰਸ਼ਾਸਕੀ ਟੁਕੜੀਆਂ
ਉਰੂਗੁਏ ਨੂੰ 19 ਮਹਿਕਮਿਆਂ 'ਚ ਵੰਡਿਆ ਗਿਆ ਹੈ ਜਿਹਨਾਂ ਦਾ ਸਥਾਨਕ ਪ੍ਰਸ਼ਾਸਨ ਕਨੂੰਨੀ ਅਤੇ ਨਿਯਮਿਕ ਸ਼ਕਤੀਆਂ ਦੀ ਵੰਡ ਦੀ ਇੰਨ-ਬਿੰਨ ਨਕਲ ਕਰਦਾ ਹੈ। ਹਰ ਇੱਕ ਮਹਿਕਮਾ ਆਪਣੇ ਅਹੁਦੇਦਾਰਾਂ ਦੀ ਚੋਣ ਵਿਆਪਕ ਮੱਤ-ਅਧਿਕਾਰ ਪ੍ਰਣਾਲੀ ਦੁਆਰਾ ਕਰਦਾ ਹੈ। ਕਨੂੰਨੀ ਤਾਕਤਾਂ ਸੁਪਰਡੈਂਟ ਦੇ ਅਤੇ ਨਿਯਮਿਕ ਤਾਕਤਾਂ ਵਿਭਾਗੀ ਬੋਰਡ ਦੇ ਹੱਥ ਹਨ।
| ਵਿਭਾਗ | ਰਾਜਧਾਨੀ | ਖੇਤਰਫਲ (ਵਰਗ ਕਿ. ਮੀ.) | ਅਬਾਦੀ (2011 ਮਰਦਮਸ਼ੁਮਾਰੀ) |
|---|---|---|---|
| ਆਰਤੀਗਾਸ | ਆਰਤੀਗਾਸ | 1928 | 73,162 |
| ਕਾਨੇਲੋਨੇਸ | ਕਾਨੇਲੋਨੇਸ | 4536 | 5,18,154 |
| ਸੇਰੋ ਲਾਰਗੋ | ਮੇਲੋ | 13648 | 84,555 |
| ਕੋਲੋਨੀਆ | ਕੋਲੋਨੀਆ ਡੇਲ ਸਾਕਰਾਮੇਂਤੋ | 6106 | 1,22,863 |
| ਦੁਰਾਸਨੋ | ਦੁਰਾਸਨੋ | 11643 | 57,082 |
| ਫ਼ਲੋਰੇਸ | ਤ੍ਰਿਨੀਦਾਦ | 5144 | 25,033 |
| ਫ਼ਲੋਰੀਦਾ | ਫ਼ਲੋਰੀਦਾ | 10417 | 67,093 |
| ਲਾਵਾਯੇਹਾ | ਮੀਨਾਸ | 10016 | 58,843 |
| ਮਾਲਦੋਨਾਦੋ | ਮਾਲਦੋਨਾਦੋ | 4793 | 1,61,571 |
| ਮਾਂਟੇਵਿਡੇਓ | ਮਾਂਟੇਵਿਡੇਓ | 530 | 12,92,347 |
| ਪਾਇਸਾਂਦੂ | ਪਾਇਸਾਂਦੂ | 13922 | 1,13,112 |
| ਰਿਓ ਨੇਗਰੋ | ਫ਼੍ਰਾਇ ਬੇਂਤੋਸ | 9282 | 54,434 |
| ਰੀਵੇਰਾ | ਰੀਵੇਰਾ | 9370 | 1,03,447 |
| ਰੋਚਾ | ਰੋਚਾ | 10551 | 66,955 |
| ਸਾਲਤੋ | ਸਾਲਤੋ | 14163 | 1,24,683 |
| ਸਾਨ ਹੋਜ਼ੇ | ਸਾਨ ਹੋਜ਼ੇ ਡੇ ਮਾਇਓ | 4992 | 1,08,025 |
| ਸੋਰਿਆਨੋ | ਮੇਰਸੇਦੇਸ | 9008 | 82,108 |
| ਤਾਕੁਆਰੇਂਬੋ | ਤਾਕੁਆਰੇਂਬੋ | 15438 | 89,993 |
| ਤ੍ਰੇਇੰਤਾ ਈ ਤ੍ਰੇਸ | ਤ੍ਰੇਇੰਤਾ ਈ ਤ੍ਰੇਸ | 9,529 km2 (3,679 sq mi) | 48,066 |
| ਕੁੱਲ¹ | — | 175016 | 32,51,526 |
- ¹ਰਿਓ ਨੇਗਰੋ ਨਦੀ ਤੇ ਬਣੀਆਂ ਬਣਾਵਟੀ ਝੀਲਾਂ ਨੂੰ ਨਹੀਂ ਗਿਣਿਆ ਗਿਆ (1,199 ਵਰਗ ਕਿ. ਮੀ.)।Archived 2013-11-13 at the Wayback Machine.
