Грекъаг æвзаг

Грекъаг æвзаг (бердзенаг, бердзейнаг дæр æй хонынц; грекъагау ελληνική γλώσσα кæнæ ελληνικά дæр) у Грекъ æмæ Кипры паддзахадон æвзаг. Мадæлон æвзаг кæмæн у, уыдоны нымæц хæццæ кæны 12 милуанмæ. Грекъаг æвзаджы ахадындзинад Балканы регионы ногæй фæфылдæр ис — æппæты зынгæдæр Албани, Болгари æмæ Румынийы.

Грекъагау ма дзурынц стыр диаспорæйы минæвæрттæ дæр — АИШ, Австрали æмæ Канадæйы.

Грекъаг у дунейы рагондæр фысгæ æвзæгтæй иу. Грекъаг алфавитæй равзæрди кириллон алфавит (уыимæ ирон абетæ дæр).