TRIZ

La Teoria de Resolucion dei Problèmas Inventius ò TRIZ (acronim rus de Teorija Reshenija Izobretateliskih Zadatch) es una teoria euristica destinada a resòuvre de problèmas d'innovacion tecnics. Foguèt elaborada a partir de 1946 per l'engenhaire sovietic Genrich Altshuller quand observèt que lo progrès tecnologic seguís d'un biais generau una evolucion depintabla per de lèis. Aquelei lèis suggerisson un procès de seguir per innovar dins lo domeni tecnologic, especialament en explorant de solucions genericas empruntadas a d'autrei domenis.