Ptah (en egipcian antic ptḥ, en còpte ⲡⲧⲁϩ Ptah, Φθάς Phthás) qu'ei un diu de l'Egipte antica e de Mènfis mei que mei, patron deus mestieraus e deus arquitèctes. Qu'èra representat portant un sceptre e dab lo còrs ensarrat dab bendas. Dens la Triada de Menfis qu'ei l'espós de Sekhmet ("la Poderosa", divessa deu cap de leona) e lo pair de Nefertom. Durant l'Empèri Ancian, quan Mènfis èra la capitala d'Egipte, qu'èra un deus dius mei importants.
