Vilatge d'Occitània
Cadilhon (Cadillon en francés) qu'ei ua comuna bearnesa administrada peu departament deus Pirenèus Atlantics e la region de Navèra Aquitània, ancianament d'Aquitània.
Geografia
Toponimia
La prononciacion qu'ei [kadi'ʎun]. Las fòrmas ancianas que son Castrum cadelionense, en latin, au sègle XIau, Cadelhon en 1104, Cadelo en 1131, Cadelon en 1170, Cadelo en 1205, Cadellio en 1344, Cadalhoo en 1385, Cadelhoo en 1402, Cadilhon en 1736, Cadillon (mapa de Cassini, a la fin deu sègle XVIIIau).
Dauzat qu'explica Cadilhon per lo nom galloroman d'òmi *Catilius, deu gallic Catilus, dab lo sufixe -onem. Gerhard Rohlfs, citat per Grosclaude, que hè la medisha explicacion.
Miquèu Grosclaude que considèra Catilius ei pas un nom galloroman, mès latin, present dens Ciceron. Cadilhon qu'ei probablament « la proprietat de Catilius.
Shens citar Cadilhon, Cadelhan, mès sonque los Cadilhacs, Delamarre que presenta Catilios, atestat, com un nom celtic (i a pas de *Catilos dens lo son libe). Un nom present dens Ciceron (106-43 ab JC) que pòt estar celtic, de Gàllia cisalpina o eventualament transalpina.
