John Sykes

John James Sykes (29. juli 1959–desember 2024) var ein engelsk gitarist, mest kjend som medlem av Whitesnake, Thin Lizzy og Tygers of Pan Tang. Han har òg fronta hardrockgruppa Blue Murder og gitt ut fleire soloalbum.

Etter ein periode i heavy metal-bandet Tygers of Pan Tang på byrjinga av 1980-talet, vart Sykes med i den irske hardrockgruppa Thin Lizzy på deira album Thunder and Lightning frå 1983. Han vart deretter med i Whitesnake, som han spelte inn det multi-platina-seljande albumet med same namn i 1987. Sykes vart likevel sparka frå bandet før plateutgivinga under bitre omstende, noko som førte til at han danna si eiga gruppe, Blue Murder. Etter to album og ei liveplate starta han ein solokarriere. Resten av 1990-talet og byrjinga av 2000-talet delte Sykes tida si mellom solokarrieren og eit reformert Thin Lizzy, som han fronta fram til 2009, då han forlét bandet for å fokusera på solokarrieren.

Påverka av folk som Jimmy Page, Ritchie Blackmore og Gary Moore, er Sykes kjent for den særeigne spelestilen sin, karakterisert av hans raske alternative plektering, bruk av overtonar og sans for melodi. I 2004 vart han inkludert på Guitar World si liste over dei 100 beste heavy metal-gitaristane gjennom tidene. I 2006 lanserte Gibson ein avgrensa serie med John Sykes Signature Les Paul-gitar, som var modellert etter hans Gibson Les Paul Custom frå 1978.