Emmelkamp

Emmelkamp liggt direkt an de düütsch-nedderlaundsche Greynse. De Gemeende wöd in’t Süden van de Vechte en in’t Norden van’t Coevorden-Piccardie-Knoal ingreynst. De Gemeende is Verwaltungssitt van de Samtgemeende Emmelkamp, woar de Gemeenden Emmelkamp, Hoagstede, Loar en Ringe bi höört. Over de lesten Joarn is dät Dorp stärk anwassen, ok ümdät de völ Nedderlaunders heyntröken bint. In 2004 hadn 11,5% van de Inwohners de nedderlaundsche Nationalität. In’t Dörp Emmelkamp goat ok ’ne Masse Nedderlaunders over de Greynse heyn inkoapen. In de Gemeende bint under Ander doarüm ok meerere Supermärkte.

Emmelkamp höörde bit 31. Dezember 2004 bi’n Regierungsbezirk Weser-Ems, deyn bi de Vewaltungsreform met Offloop van dit Datum uplööst wööd.

In’n Juli 2009 hett de Oort ne’e Oortsschiller kregen, op de nu ok de plattdüütsche Naam blangen den hoochdüütschen mit op steiht. Emmelkamp is de eerste Oort in’n süüdwesten Deel von Neddersassen, de dat hett.

Gemeenderoat

Deyn aktuellen Gemeenderoat:

• CDU - 7 Sitze
• SPD - 3 Sitze
• FDP - 2 Sitze
• gbf. - 7 Sitze

Partnergemeenden

• Gällemuun (Nedderlannen) seint ca. 1975
• Grabów nad Prosną (Polen) seint 2006

In Emmelkamp sit de Firma Emsland-Stärke. Se is de gröttsten Stärkproduzent in Europa. 1.000.000 t Erpel (Kartoffeln) wödt hier vearbeydt en ut`n Umkreis van üm de 150 km üm Emmelkamp anlevert. Doarmet is de Emsland-Stärke nich bloos deyn grötsten Arbeydgeber in Emmelkamp, men ok ’nen wichtigen Existenzfaktor vöör de hele Region.

Enen andern wertschopliken Faktor in de Samtgemeende Emmelkamp is de kunststoffverarbeydende Industrie, woarbi Firmen äs Synco, BekuPlast in Ringe en Ringoplast in Ringe-Neugnadenfeld to nöömen bint.

Emmelkamp hef ene Grund-, ene Haupt- un ene Realschool, een Gymnasium vöör de Sekundarbereich 1, en ene Förderschole. De waiterführenden Scholen, dät is vanoff 11. Klasse in Neenhus (Lise-Meitner-Gymnasium) of in de Kraisstad Nothoorn.

• Plattdüütsche Naamslist vun Dörper un Gemenen ut de Groafschup Bäinthem