مونک یا ماه (نماد: ) اتا قمر هسته که زمین دوره چرخ گیرنه. مونک، زمین ِچپا (یک‌چهارم) هسته و تقریباً استرالیا قایده وونه. ماه دله اتمسفر، هیدروسفر یا مغناطیس میدون وجود ندارنه.
مونک، زمینِ دوره چرخ گیرنه و شو آسمون دله میّن هسته و قمری تقویم ره اتی بساتنه که ونه هارشی‌ین جه بنشنه بفهمستن که امشو چندم شو هسته و چون اولین تقویم‌ها، گرد اینتی کار کردنه، همینسه هر سی روز ره هم ماه گتنه. ماه باعث وونه که دریو کناره جزر-مد بوو. قدیم خیال کردنه که هرکی مونک دیم ره هارشه، لوچ وونه.
دانشمندون نظر این هسته که یحتمل ماه و زمین اتا تصادف دله اینتی هئی تنِ وصله بَینه و ماه خِدی زمین جه سیوا بیّه. فضانوردون موفق بَینه که مونک دله پیاده بوون و اولین‌کش نیل آرمسترانگ شه لینگ ره ماهِ خاکِ سر بی‌یشته و اونجه راه بورده.
