Tunis adolah ibu kota jo kota tagadang nagara Tunisia. Pado tahun 2020, kota ko marupokan kota tagadang kabtigo di wilayah Magribi sasudah Casablanca jo Aljir, sarato tagadang ka sabaleh di Dunia Arab. Di tahun 2023, panduduaknyo bajumlah 599.368 jiwa jo wilayah metropolitannyo, nan dikenal jo Tunis Raya, bapanduduak 2.671.882 jiwa.
Sijarah awal wilayah ko kurang jaleh dek bukti-bukti sarato catatan sijarah dihancuan dek banso Romawi. Namun, diyakini daerah ko awalnyo diunyi dek banso Berber pado abaik ka-9 SM. Kabaradoan pamukiman di Tunis dibuktian dek sumber-sumber nan baasa dari abaik ka-4 SM. Wilayah ko kamudian barado di bawah kuaso babagai banso, takah Fenisia, Romawi, jo Muslim. Kota tu kamudian diduduaki dek Jerman pado tahun 1942 hinggo dibebasan dek Sakutu jo kamudian mardeka pado tahun 1956.
Bibliografi
- Sebag, Paul (1998). Tunis: Histoire d'une ville. Histoire et Perspectives Méditerranéennes. Paris: L'Harmattan. ISBN 978-2-7384-6610-5. https://books.google.com/books?id=JeJ44F961AEC.
