Kingstown adolah ibu kota jo kota tagadang nagara Saint Vincent jo Grenadines nan talatak di pulau utamo Saint Vincent. Jo jumlah panduduak sabanyak 12.909 jiwa pado tahun 2012, Kingstown marupokan pamukiman tapadek di nagara ko. Kota ko manjadi pusek industri pertanian jo palabuahan bagi wisatawan. Kota ko bagian dari paroki Saint George di suduik barat daya Saint Vincent.
Ibu kota moderen, Kingstown, didirian dek para pamukim Parancih ndak lamo sasudah tahun 1722. St. Vincent kamudian dikuasoi dek Inggirih badasarkan Pajanjian Paris pado tahun 1763 akibaik dari Parang Tujuah Tahun di Amerika Utara. Katiko Saint Vincent jo Grenadines mamparoleh kamardekaan, Kingstown manjadi ibu kota nagara. Kota ko alah malestarian arsitektur kolonial jo babagai bangunan basijarah takah gereja. Ado pulo Kabun Raya nan dibangun pado tahun 1765, marupokan salah ciek kabun raya tatuo di balahan bumi Barat.
