Scientific American

Ny Scientific American dia gazetiboky amerikana momba ny fampahafantarana ny siansa amin' ny daholobe, mivoaka isam-bolana (isan-kerinandro tamin' ny voalohany) izay efa nisy nanomboka tamin' ny 28 Aogositra 1845, ka mahatonga azy io ho gazety tranainy indrindra tsy mitsaha-mivoaka any Etazonia. Anisan' ny vondrona Springer Nature izy io. Mpahay siansa maro, anisan' izany i Albert Einstein sy I Nikola Tesla, no mandray anjara amin' ny lahatsoratra, ary maherin' ny 150 ireo izay nahazo ny loka Nobel no nasongadina hatramin' ny nanombohany.