|
|
Quel articul chì l'è scrivüü in Lumbard, cun l'urtugrafia insübrica ünificada. |
La Chelsea Elizabeth Manning (Nassüda Bradley Edward Manning, el 17 de Dezember, 1987) l'è stada 'na suldata in de la fantaria americana cundanada in del Lüj del 2013 a 35 (trinta chinch) agn de gatabüja perchè l'haa svujaa 'l sach in sü determinaa detaj de l'invasiun americana de l'Iraq: a l'ha cunsegna al Wikileaks di film ed olter infurmassiun cunsideraa "segret" del guerna di Staa Ünii. A part a la cundana la Chelsea l'è anca stada scasciada via del Corp de Fantaria.
El papaa e la mama de la Manning l'han chersüda sü cum' un bagaj, ma in d'una letera al püblegh legiüda de lee medèma el di despö la cundana, la Chelsea l'ha dii insci che lee l'è se semper sentüda una tusa sinn de piscinina.
Assignada in del 2009 in qualidaa de analista de lugistega a d'una ünidaa de la fantaria lucada arent a Baghdad, la Manning l'haa vüü la chance de met man a i database druaa del guerna american in del trasmet infurmassiun segret. A l'è stada arestada in Iraq in del mai del 2010 dopu che l'Adrian Lamo, un computer hacker, l'ha cüntaa sü a un uficial del cuntraspiunasg american che la Manning la gh'eva cunfidaa che lee, la Chelse Manning, l'eva descargaa sgiò di materiaj segret di database militar american e i eva consignaa ai Wikileaks. In di materiaj gh'eren anca di filmaa indua l'è ciar e patent ch'i suldaa american l'han faa föra donn, bagaj, e gent disarmada in general, e che suratüt, in del dagh a trà a i ciciarad in tra i suldaa american el sumeja propi che la vita ümana di olter la cünta propi negot.
A la fin la Chelsea l'è stada cundanada cunt 22 cuu de acüsa e l'è stada trategnüda in detensiun sulitara in de la presun militara de Quantico, in de la Virginia, del Lüj del 2010 a l'Avril del 2011 inans de vess trasferida a la presun de Fort Leavenworth, in del Kansas, indua la saraa in cuntat cunt olter detegnüü. La s'è deciarada culpevula in 10 di 22 cuu d'acüsa in del Fevree del 2013s. El prucess l'a scumenciaa 'l 3 de Giügn del 2013 el 'l 30 de Lüj l'è stada cundanada. She will serve her sentence at Fort Leavenworth.
I Prim Agn de Vita
La Manning l'è nassüda a Crescent, Oklahoma, de la Susan Fox, nassüda lee medèma in del Gales, e del so marii american Brian Manning.
Finalmenta libera
Finalmenta, grassia al pardun utegnüü del President Obama, 'l 17 de Mai del 2017, la Chelsea Manning l'è stada liberada e l'è pü in gatabüja.
