Si Chelsea Elizabeth Manning (nmdg., Bradley Edward Manning, Desyembre 17, 1987) sarong soldados sa Hokbong Estados Unidos na nasentensyahan kan Hulyo 2013 paagi nin court-martial nin halawig na mga taon pagkapreso huli sa mga paglapas sa Espionage Act asin iba pang kasalaan kan saiyang ibinuyagyag sa WikiLeaks haros tolong-kaapatan kan milyon na kalasipikadong mga sensitibong mga dokumento militar asin diplomatiko. Si Manning sinapawan kan Agosto 2013 nin sentensyang 35ng taon pagkakulong, na may posibilidad nin parole sa ika-8ng taon, asin pagpatalsik dishonorable saiya sa Hokbo.
Si Manning sarong transgender na babae na, pakatapos kan siya masentensyahan, nagdeklara na mate niya pagkani'aki pa komo sarong tunay na babae asin gustong maapod na Chelsea, asin mawot mag'agi sa sarong hormone replacement therapy. Poon pagkani'aki totoo sagkod sa buhay niyang militar, siya binibisto sa pangaran na Bradley. Natanto siya kan mga doktor na may inaapod na gender identity disorder.
