| Articul por Ladin Val Badia | 
|
Le cristianejim é na religiun monoteistica universalistica, che nasc dal iudaism dl I seco y se basëia sön la revelaziun de Gejú Crist ti Vangeli sciöche Messia, le Fi de Dî mort y ressorí. Al é la religiun plü slariada fora tl monn adöm cunca. 2,2 miliarc de fedei. Le cristianejim vëgn ince definí adöm cun le iudaism y l’Islam ne “religiun abramitica”.
Le cristianejim d’aldedaincö é partí sö te Dlijia catolica, Dlijia ortodossa y Protestantesim.
I pröms cristians é gnüs porseghitá sot al Imper roman. Dl 380 á l’imparadú Teodosio declaré le cristianejim la religiun ufiziala dl Imper roman cun l’Edit de Tessalonica. Dl 1054 él gnü a se le dé la spartiziun dl cristianejim -le Gran Scism- danter Dlijia catolica y Dlijia ortodossa. Dl XVI seco, do le scandal dles indulgënzes, él gnü a se le dé la fondaziun dl Protestantesim.
