Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Sint Petrus of in 't Limburgs: Sint Pieter, Sint Peter, Sint Pièter en Sint Pieëter, ies 'ne Katholieke heilige dae eigelik Simon Bar Jona (zoon van Jona of Johannes) heesj. De naam Petrus, in 't Aramees Kefas, kreeg hae van Jezus en beteikent rots of fundament. Meistal weurt deze heilige Simon-Petrus geneump.
Hae ies gebore ten noorde van 't meer van Gennezaret. Wie hae door Jezus woort gevraog um häöm te volge, woonde hae mèt zien vrouw, sjoanmam en ziene broor, Andreas, in Kafarnaüm. De twiè breursj waore vösjer en later allebei apostel.
Zien attribuut ies de sjleutel (van 't riek van de hemel).
Volges beriechte oet de 2e ièw zou Petrus ónder keizer Nero rónd 60 n. C. in Roame (Rome) de marteldoad zin gesjtorve.
Limburgse veurname, die aafgeleid zin van Sint Pièter: Pierre, Pie, Pjeter, Pièter, Piëter, Peter, Pee, Piet, Petra.