Linux es la nom de un sistem de opera de computadores cual ia es creada, inisial como pasatempo, par Linus Torvalds, un studiante joven a la universia de Helsinki en Suomi.
Torvalds ia es interesada en Minix, un varia petida de la sistem de opera Unix, e ia deside developa un sistem con cualias superior e plu potente. La varia prima de Linux es publicida en la anio 1991 e Torvalds continua a labora a el asta 1994 cuando el publici la varia 1.0.
La nucleo de Linux, jeneral completida par composantes de la projeta GNU e par interfases grafical fundada sur x11, es publicida e dostribuida su la lisensa publica jeneral de GNU, donce el codigo es libre e otenable par la mundo total.
Aora, sentos de companias, organizas e personas publici sua propre sistemes de opera baseda sur Linux.
